Psalmaro 123

¹Al Vi mi levas miajn okulojn, Ho Vi, kiu sidas en la ĉielo!

²Jen kiel la okuloj de sklavoj estas direktitaj al la mano de iliaj sinjoroj, Kiel la okuloj de sklavino al la mano de ŝia sinjorino, Tiel niaj okuloj estas direktitaj al la Eternulo, nia Dio, Ĝis Li korfavoros nin.

³Korfavoru nin, ho Eternulo, korfavoru nin; Ĉar ni suferis sufiĉe da malestimo.

⁴Tute pleniĝis nia animo De la insultado de arogantuloj, De la malhonorado de fieruloj.