Zaburi 67

¹Mungu aturehemu na kutubariki, na kutuangazia nuru za uso wake,

²ili njia zako zijulikane duniani, wokovu wako katikati ya mataifa yote.

³Ee Mungu, mataifa na wakusifu, mataifa yote na wakusifu.

⁴Mataifa yote wafurahi na kuimba kwa shangwe, kwa kuwa unatawala watu kwa haki na kuongoza mataifa ya dunia.

⁵Ee Mungu, mataifa na wakusifu, mataifa yote na wakusifu.

⁶Ndipo nchi itatoa mazao yake, naye Mungu, Mungu wetu, atatubariki.

⁷Mungu atatubariki na miisho yote ya dunia itamcha yeye.