Zaburi 130

¹Kutoka vilindini ninakulilia, Ee Bwana .

²Ee Bwana , sikia sauti yangu. Masikio yako na yawe masikivu kwa kilio changu unihurumie.

³Kama wewe, Ee Bwana , ungeweka kumbukumbu ya dhambi, Ee Bwana, ni nani angeliweza kusimama?

⁴Lakini kwako kuna msamaha, kwa hiyo wewe unaogopwa.

⁵Namngojea Bwana , nafsi yangu inangojea, katika neno lake naweka tumaini langu.

⁶Nafsi yangu inamngojea Bwana kuliko walinzi waingojeavyo asubuhi, naam, kuliko walinzi waingojeavyo asubuhi.

⁷Ee Israeli, mtumaini Bwana , maana kwa Bwana kuna upendo usiokoma, na kwake kuna ukombozi kamili.

⁸Yeye mwenyewe ataikomboa Israeli kutoka dhambi zao zote.